SHIBA
الزعيم
عدد الرسائل : 510
العمر : 38
تاريخ التسجيل : 13/11/2008
 | موضوع: افضل برامج سنة 2080  الثلاثاء فبراير 03, 2009 2:10 am | |
| أهلا و سهلا اعزائى المشاهدين
و حلقة جديدة من برنامج
ليت الشباب يعود يوما
_______________________
المذيعه : اسم حضرتك
الضيف : هيثم رامى
المذيعه : احكى لنا شوية عن ايام زمان
الضيف : أحكى ايه ولا ايه ولا ايه عن زمان
و النبي متفكرنيش بايام العز . ايام الرخص . أيام الاحترام
طب ده انا مثلا فاكر من حوالى 70 - 75 سنة كدة
كان الواحد مننا ياخد من ابوه المصروف10 او 15 جنيه فى اليوم
وكانوا بيكفوا و مابيفتحش بقه مش زى دلوقتى
الله يكون فى عوننا
ده انا فاكر ان عمرى ما ناقشت بابى هيثم الله يرحمه فى المصروف
زمان الواحد كان محترم في لبسه كان الولد لابس البادي الكات
و البنطلون النجر او البنطلون الجينز الديرتى المقطع و خلاص
و البنت تلاقيها ماشية باحترامها
لابسة المينى جيب والبادي الضيق او البادى الاستومك و البنطلون المتسقط و خلاص
لكن لبس اليومين دول مايتوصفش . اجارك الله
زمان المصاريف كانت محدودة . فين ايام لما كيلو اللحمة كان بـ 50 جنية بس
و كانت أسعار الديسكو تتراوح بين 30 - 150 جنيه بس
و كان قرش الحشيش ب 60 جنيه
كانت ايااااااااااااااااام
و بعدين زمان كانت ابواب البيوت تتقفل من بدري يعنى الساعة 4 الفجركدة
وكان الابهات ليهم شنة و رنة
يعنى ماتلاقيش واحد بيعلى صوته على ابوه
و لا بيمد ايده على امه
غير لو زعقوا له او ابتدوا معاه بالصوت العالى
زمان كنا بنذاكر على الاغانى الطربية الاصيلة
فين ايام الاغانى الاصيلة زى بحبك يا حمار و العنب العنب العنب
لكن اغانى اليومين دول لا ليها طعم ولا لون
و الكلمات بقت مبتذلة و ملهاش معنى
طب بزمتك كدة فى زى مطربات زمان زى الست روبى و الست نانسى و الست هيفاء
مش مغنيات اليومين دول اللى بيعتمدوا على جسمهم و على المسخرة
دلوقتى المغنية من دول بتعمل الكليب و هى عريانة و بتستحمى مع صاحبها
فين ايام الفن الاصيل
زمان كانت البنت لما تقابل صاحبها اللى بقى لها كتير ماشفتهوش تبوسه و خلاص
مش زى بنات اليومين دول قلالات الادب
تصدقى ان بنتى أخدت مفتاح الشاليه بتاعى فى المعمورة
و قالتلى انها رايحة هناك مع صاحبها
علشان هو واحشها أوى و عايزين ينزلو البحر
مع انه كان بايت معاها فى اوضتها أول امبارح
بنت قليلة الادب
و بعدين زمان بصراحة بقى كانت المذيعة تقعد قدام الضيف او جنبه
مش على رجله . زي ما انتى عاملة دلوقتى كدة
المذيعة : قول للزمان ارجع يا زمان
.............
و هنا تنتهى حلقتنا اليوم
كان معكم
شهاب احمد
| |
|
????
زائر
| | موضوع: رد: افضل برامج سنة 2080 الثلاثاء فبراير 03, 2009 8:17 am | |
| هههههههههههه جامدة اوى ياروحى ايوة انت فرحان بالمذيعة  ماشى ياعم ربنا يسهلك |
|
????
زائر
| | موضوع: رد: افضل برامج سنة 2080 السبت فبراير 07, 2009 7:58 am | |
| ههههههههههههههه الموضوع تحفة |
|
